Algaraklown elkartea 2011. urtean sortu zen, Donostiako bi pailazok Madrilen egindako ospitaleko clown-ikastaro batean topo egin zutenean. Clown-talde bat sortu nahi zuten biek Gipuzkoan, eta lanean hasi ziren. Hasteko, proiektuan interesa izan zezaketen pertsonen bila aritu ziren, eta clowneko zein ospitaleko clowneko prestakuntza eman zieten Donostian. Proektuarekin maitemindutako 10 lagun prestatu zituzten guztira, eta 2012ko martxoan sortu zuten elkartea. Bidezko kontaktu guztiak, proiektua abian jartzeko prozesua eta kode deontologikoa egin ondoren, prestakuntza egokia jaso zuten pertsonak Donostiako Unibertsitate Ospitaleko Ama-Haurren Atalean hasi ziren bisitaldiak egiten, 2012ko azaroan. Bisitaldiak hamabostean behin egiten ziren hasieran, eta 2014. urtean astean behin egiten hasi ginen. Gelaz gela joaten ginen, eta itxarongeletan, korridoreetan, larrialdietako eremuan, Zainketa Intentsibo Pediatrikoen Unitatean eta eskolan jarduten genuen.
